في يوم كتبت علي تويتر ان الشعب المصري عنصري ,اتهاجمت وقالولي ان حتي لو احنا عنصريين مش زي بلاد تانية ودايما بيكون ردي احنا ليه دايما بنقارن نفسنا ببلاد تانية ؟ ليه ميكونش لينا تفكيرنا المستقل , نبص لنفسنا وبس !
بص كدة لنفسك انت ,كام مرة اتريقت علي واحد او واحدة في الشارع ؟ او في مدرستك ؟ او في جامعتك ؟ او في شغلك؟ ومتقوليش ولا مرة عشان هتبقي كداب وزمان قالولنا الكداب بيدخل النار وانا خايفة عليك :)
هتقولي دة كان هزار ؟ هقولك ماشي دة كان هزار والالعن انه هزار , اصل انت كدة بتعتبر العنصرية حاجة تضحك ...
انا بحب اعمل شعري ضفاير رفيعة زي بتاعة الافارقة وبعملها كتير ومن الطبيعي اني بنزل الشارع وانا عاملاها وياسلام بقي علي كمية التعليقات السخيفة اللي بسمعها , او مثلا لو ولد مطول شعره ولا لابس حاجة غريبة علي مجتمعنا ياسلام بردو علي كمية التعليقات السخيفة اللي هيسمعها .
ثقافة العنصرية اتربينا عليها وكبرت معانا , الاطفال نفسهم بيتريقوا علي بعض عشان الولد دة مليان شوية والبنت دي لون بشرتها غامق والبنت اللي في الشارع بتبيع مناديل ياي دي شكلها مش نضيف ومتلعبش مع ابن حارس العمارة عشان مش من مستواك الناس تقول ايه ؟
وفي نوع تاني من العنصرية بتعرضله وبالذات في الفترة الاخيرة وهو العنصرية ضد السن , ايه اللي يفهم واحدة ادك في السياسة ؟ الحاجات دي للكبار ياحبيبتي , انتم صغيرين مش المفروض تعملوا كدة ولاتتكلموا في الحاجات دي.
فكر كدة شوية هتلاقي نفسك عملت حاجات كتير وانت مش مركز بتدل علي عنصريتك .... وهتلاقيك بردو اتحطيت في مواقف بينتلك عنصرية الناس ضدك .
وكل دة بيدل علي ان الشعب المصري عنصري بطبعه والعنصرية خلاص بقت متأصلة في دمه بس احنا دايما بنحب نزوق الحاجة او ننكر انها موجودة ودة بيأدي الي اننا بنتمادي في العنصرية اكتر واكتر .
عنصرية في الدين والجنس والشكل واللون والمستوي الاجتماعي والسن والمستوي الثقافي و...... الخ
كل واحد فينا ولو مرة فكر في الحاجات دي وهو بيتعامل مع الناس , ومبنبصش لنفسنا واحنا فينا كل العبر , بس سهل التغيير والله , كل ماييجي في بالك فكر عنصري تجاه حد افتكر ان ربنا خلقنا كلنا من نفس الطينة ولازم تتقبل الاخر باختلافاته اصل هتبقي عاملة ازاي الحياة يعني واحنا كلنا شبه بعض ؟
لازم تبتدي بنفسك اعمل احلال لثقافة العنصرية اللي عندك بثقافة تقبل الاخر مهما اختلف :)
بص كدة لنفسك انت ,كام مرة اتريقت علي واحد او واحدة في الشارع ؟ او في مدرستك ؟ او في جامعتك ؟ او في شغلك؟ ومتقوليش ولا مرة عشان هتبقي كداب وزمان قالولنا الكداب بيدخل النار وانا خايفة عليك :)
هتقولي دة كان هزار ؟ هقولك ماشي دة كان هزار والالعن انه هزار , اصل انت كدة بتعتبر العنصرية حاجة تضحك ...
انا بحب اعمل شعري ضفاير رفيعة زي بتاعة الافارقة وبعملها كتير ومن الطبيعي اني بنزل الشارع وانا عاملاها وياسلام بقي علي كمية التعليقات السخيفة اللي بسمعها , او مثلا لو ولد مطول شعره ولا لابس حاجة غريبة علي مجتمعنا ياسلام بردو علي كمية التعليقات السخيفة اللي هيسمعها .
ثقافة العنصرية اتربينا عليها وكبرت معانا , الاطفال نفسهم بيتريقوا علي بعض عشان الولد دة مليان شوية والبنت دي لون بشرتها غامق والبنت اللي في الشارع بتبيع مناديل ياي دي شكلها مش نضيف ومتلعبش مع ابن حارس العمارة عشان مش من مستواك الناس تقول ايه ؟
وفي نوع تاني من العنصرية بتعرضله وبالذات في الفترة الاخيرة وهو العنصرية ضد السن , ايه اللي يفهم واحدة ادك في السياسة ؟ الحاجات دي للكبار ياحبيبتي , انتم صغيرين مش المفروض تعملوا كدة ولاتتكلموا في الحاجات دي.
فكر كدة شوية هتلاقي نفسك عملت حاجات كتير وانت مش مركز بتدل علي عنصريتك .... وهتلاقيك بردو اتحطيت في مواقف بينتلك عنصرية الناس ضدك .
وكل دة بيدل علي ان الشعب المصري عنصري بطبعه والعنصرية خلاص بقت متأصلة في دمه بس احنا دايما بنحب نزوق الحاجة او ننكر انها موجودة ودة بيأدي الي اننا بنتمادي في العنصرية اكتر واكتر .
عنصرية في الدين والجنس والشكل واللون والمستوي الاجتماعي والسن والمستوي الثقافي و...... الخ
كل واحد فينا ولو مرة فكر في الحاجات دي وهو بيتعامل مع الناس , ومبنبصش لنفسنا واحنا فينا كل العبر , بس سهل التغيير والله , كل ماييجي في بالك فكر عنصري تجاه حد افتكر ان ربنا خلقنا كلنا من نفس الطينة ولازم تتقبل الاخر باختلافاته اصل هتبقي عاملة ازاي الحياة يعني واحنا كلنا شبه بعض ؟
لازم تبتدي بنفسك اعمل احلال لثقافة العنصرية اللي عندك بثقافة تقبل الاخر مهما اختلف :)
.jpg)
